Elorda jastary Qarttar úıinde merekelik shara ótkizdi (FOTO+VIDEO)
Búgin Astana irgesindegi Malotımofeevka aýylyndaǵy Qarttar úıinde merekelik shara bolyp ótti. Halyqaralyq áıelder kúni merekesine oraı Astana qalasy ókildiginiń Jastar isi sektorynyń uıymdastyrýymen júzege asqan merekelik jıyn qarııalarymyzǵa qýanysh syılap, jandaryn jadyratty.
Qarttarymyzǵa qurmet tanytyp, mereke qarsańynda kóterińki kóńil-kúı syılaýǵa tyrysqan bul sharaǵa «Áziret Sultan» meshitiniń «Inabat» jáne Astana qalasy DPZO-nyń «Hanshaıym» qyz-kelinshekter klýby, Eýrazııa Ulttyq ýnıversıtetiniń stýdentteri, QMDB Jastar isi sektorynyń men Astana qalasy Din problemalaryn zertteý ortalyǵynyń qyzmetkerleri de belsene atsalysyp, óz úlesterin qosty.
Shara aıasynda Qarttar úıindegi 160 janǵa gúl shoqtary men syılyqtar úlestirilip, kontserttik baǵdarlama usynyldy. Arnaıy oıyndar uıymdastyrylyp, baladaı máz bolǵan qarııalar qaýymy bir serpilip qaldy. Shara sońynan merekelik dastarhan jaıylyp, Elorda jastary qarııalardy tátti taǵamdarmen qonaq etti.
Sharaǵa arnaıy qatysqan QMDB tóraǵasynyń birinshi orynbasary, naıb múftı Naýryzbaı qajy Taǵanuly qarııalarǵa izgi tilegin jetkizip, jasy úlken janǵa jaqsylyq jasaý – asyl dinimizdiń negizgi ustyny ekenin aıtyp ótti. Qartaıǵanǵa qaraılasyp, qamqorlyq jasaýǵa talpynǵan jastar qaýymyna da óz alǵysyn bildirip, jumystaryna bereke tiledi.
Sýretterdi «FOTOGALEREIa» aıdarynan kóre alasyzdar!
