ELORDADA ÁLEMDIK JÁNE DÁSTÚRLI DINDER KÓShBASShYLARYNYŃ VII SEZI BASTALDY (FOTO)
Búgin elordadaǵy Táýelsizdik saraıynda Álemdik jáne dástúrli dinder kóshbasshylarynyń VII sezi bastaldy. Alqaly jıynǵa Qazaqstan Prezıdenti Qasym-Jomart Toqaev qatysyp, Qazaqstan úshin álemniń eń qurmetti rýhanı kóshbasshylaryn birge jınap, dıalog ornatý úlken qurmet ekenin atap ótti.
«Sezdiń ótkizilýi – elimiz ben búkil álemde dıalog pen yntymaqtastyqty nyǵaıtýdy kózdeıtin Qazaqstan saıasatynyń mańyzdy baǵyty. Buǵan deıingi forýmdarda qabyldanǵan deklaratsııalarda qandaı ıdeıalardyń atyn jamylǵanyna qaramastan radıkalızm, zorlyq-zombylyq pen qaqtyǵystar árdaıym synǵa alyndy. Qazirgi kúrdeli jaǵdaıda dinı kóshbasshylardyń bir ústel basyna otyryp, kez kelgen qaıshylyqty eńseretin izgi amaldyń úlgisin kúlli álemge kórsetýi asa mańyzdy. Meniń oıymsha, bizdiń sezdiń basty mıssııasy men ereksheligi osynda» dedi Qasym-Jomart Toqaev.
Álemdik jáne dástúrli dinder kóshbasshylarynyń VII sezinde Vatıkan men Katolık shirkeýiniń basshysy Rım papasy Frantsısk, Mysyrdaǵy ál-Azhar ýnıversıtetiniń sheıhy, Joǵary mártebeli ımam Ahmet Taıyp, Máskeý Patrıarhaty Syrtqy shirkeý baılanystary bóliminiń tóraǵasy Mıtropolıt Volokolamskıı Antonıı, Izraıldiń Bas sefard ravvıni Itshak Iosıf t.b din qaıratkerleri qatysyp, sóz sóıledi. BUU Bas hatshysy Antonıý Gýterrısh beıneúndeý joldasa, Senat Tóraǵasy – hatshylyq basshysy Máýlen Áshimbaev jıynǵa moderatorlyq jasady.
Sondaı-aq alqaly jıynǵa Qazaqstan musylmandary dinı basqarmasynyń tóraǵasy Naýryzbaı qajy Taǵanuly, Reseı musylmandary dinı basqarmasynyń jáne Reseı múftıler keńesiniń tóraǵasy Ravıl Gaınýtdın, Kavkaz musylmandary dinı basqarmasynyń tóraǵasy Allashúkir Pashazade, Qyrǵyzstan musylmandary dinı basqarmasynyń tóraǵasy Zamır qajy Rakıev, Tájikstan Ǵulamalar keńesiniń tóraǵasy Saıdmýkarram Abdýkodırzoda, Mysyrdyń Ýaqyp mınıstri Muhtar Juma, Saýd Arabııasynyń Islam isteri, shaqyrý jáne nusqaýlyq mınıstri Abdýlatıf ıbn Abdýlazız ash-Sheıh t.b din qaıratkerleri qatysýda.
Aıta keteıik, sezd eki kúnge sozylady. Alqaly jıynǵa arnaıy kelgen din qaıratkerleri plenarlyq jáne sektsııalyq otyrystarǵa qatysyp, sóz sóıleıdi.
