ELORDADA «DINTELLECT» ZIIaTKERLIK DINI BILIM SAIYSY ÓTTI (FOTO)
Qazaqstan musylmandary dinı basqarmasy Astana qalasy ókildiginiń Din men dástúr bólimi jáne Jastar isi sektorynyń uıymdastyrýymen aıasynda «Dintellect» zııatkerlik dinı bilim saıysy ótti.
Is-sharaǵa QMDB Din men dástúr bóliminiń meńgerýshisi Nurbek Áýezhanuly, Astana qalasynyń Bas ımamy Erbolat Júsipov bastaǵan elorda ımamdary men meshit jamaǵaty qatysty.
Zııatkerlik saıysqa qalanyń túrli meshitterinen iriktelgen 12 komanda qatysyp, óz bilimderin ortaǵa saldy. Qatysýshylarǵa ereje boıynsha dinı, tarıhı jáne dástúrge qatysty arnaıy daıyndalǵan suraqtar Ekrannan kórsetilip otyrdy. Komandalar belgilengen ýaqyt ishinde suraqtarǵa durys ári naqty jaýap berýge tyrysty.
Jarys tartysty ótti. Ár raýndta qatysýshylar jyldamdyq, oı ushqyrlyǵy jáne dinı saýattylyq jaǵynan synaldy. Qazylar alqasy komandalardyń jaýap berý dáldigi men komandalyq úılesimdiligin baǵalap otyrdy.
Saıys qorytyndysy boıynsha úzdik shyqqan komandalar aqshalaı syılyqtarmen jáne arnaıy marapattarmen nagradtaldy. Uıymdastyrýshylar mundaı is-sharalardyń jastardyń dinı bilimin arttyrýǵa, meshitter arasyndaǵy yntymaqtastyqty kúsheıtýge jáne dástúrli rýhanı qundylyqtardy dáripteýge zor úles qosatynyn atap ótti.
Sýretterdi «FOTOGALEREIa» aıdarynan kóre alasyz!
Источник: Aidos
