Elordada Ǵulamalar keńesiniń HHHII májilisi bastaldy (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Ǵulamalar keńesiniń XXXII májilisi bastaldy.
Keńes jumysyn ashqan Naýryzbaı qajy Taǵanuly: «Ózderińizge belgili, Ǵulamalar keńesi sharıǵatymyzdyń negizderine súıene otyryp, qoǵamdaǵy musylman qaýymy arasynda týyndap otyrǵan kókeıkesti, túıtkildi máselelerdi talqylap, der kezinde sharıǵı pátýalar men kontseptýaldy qujattar qabyldaıdy. Osy jyly Ǵulamalar keńesiniń tórt májilisi ótti. 2021 jyldyń ishinde 20 pátýa, 2 qujat jáne 2 ǵylymı joba bekitildi jáne 2 málimdeme jarııalandy. Keńestiń belsendi jumysynyń nátıjesinde «Pátýalar jınaǵy» kitabynyń úshinshi tomy ázirlendi. Barshańyzǵa aıryqsha alǵysymdy bildiremin», – dedi.
Aıta ketsek, eki kúnge jalǵasatyn májiliste múlikti bank arqyly satý úkimi, altyn jáne kúmis saýdasyna qatysty úkim, salynǵaly jatqan jyljymaıtyn múlikti satýdyń úkimi týraly pátýalar bekitilmek. Sondaı-aq, birneshe jobanyń erejesin qabyldaý josparlanǵan.
