Elordada respýblıkalyq semınar-keńes ótti (FOTO)
Elordadaǵy Astana medrese-kolledjinde «Modýldik-quzirettik tásil negizinde kásibı mamandardy daıarlaý» taqyrybynda «Dintaný jáne teologııa» beıini boıynsha respýblıkalyq semınar-keńes ótti.
QMDB Dinı bilim jáne kadr daıyndaý bólimi ótkizgen semınar-keńeske múftııatqa qarasty medrese-kolledjderdiń arnaıy pán ustazdary men oqý isiniń meńgerýshileri qatysty.
Eki kúnge sozylǵan semınar barysynda bilim berý baǵdarlamalarynyń mazmunyn jańartý maqsatynda kadrlar daıarlaýdyń ózekti mindetteri aıqyndalyp, tájirıbe almasý, modýldik-quzirettilik tásil negizinde kásibı mamandar daıarlaý joldary talqylandy.
Sondaı-aq «Dintaný jáne teologııa» beıini mamandyqtarynyń modýldik-quzyrettilik tásil negizinde ázirlengen bilim berý baǵdarlamalaryn iske asyrý úshin qazaq tilinde kásiptik modýlderge oqý quraldaryn ázirleý qajettiligi týraly usynystar aıtylyp, tizimi anyqtalyp, jumys júrgizildi.
Semınar sońynda QMDB Dinı bilim jáne kadr daıyndaý bólimi meńgerýshisiniń orynbasary Serikbol Arshabaev aýqymdy is-sharany uıymdastyrýshylarǵa alǵys aıtty.
