Elordadaǵy 550 muqtaj otbasyǵa azyq-túlik taratyldy (FOTO+VIDEO)
Aldymyzda kele jatqan 1 naýryz – Alǵys aıtý kúnine oraı QMDB Nur-Sultan qalasy ókildigi boıynsha aýqymdy qaıyrymdylyq sharasy uıymdastyryldy. Qaladaǵy «Sheıh Kýnta qajy» meshiti men «Vaınah» sheshen-ıngýsh qaýymdastyǵy birige atqarǵan qaıyrymdylyq sharasynyń sharapaty 550 muqtaj otbasyny qamtydy.
Azyq-túlik sómkeleri aldymen «Sheıh Kýnta qajy» meshitinde ázirlenip, keıinnen meshit jamaǵaty men qyzmetkerleri úı aralap, taratýǵa kiristi. Shara barysynda meshit jamaǵatymen arnaıy duǵa jasylyp, marqumdardyń rýhyna Quran baǵyshtaldy. Nur - Sultan qalasy boıynsha «Zeket jəne Qaıyrymdylyq» baǵytynyń ókili Jaqııa Mereı men «Sheıh Kýnta qajy» meshitiniń Bas ımamy Ibrahım Keldibaıuly qaıyrymdylyqqa demeýshilik jasaǵan «Vaınah» sheshen-ıngýsh qaýymdastyǵynyń ókilderine rızashylyqtaryn aıtyp, izgi tilekterin bildirdi.
