ELORDADAǴY «KÓKTAL» MEShITINIŃ BAS IMAMY AÝYSTY (FOTO)

Búgin Astana qalasyndaǵy Kóktal meshitine jańa bas ımam taǵaıyndaldy. Juma namazyna jıylǵan jamaǵatqa «Áziret Sultan» meshitiniń naıb ımamy Baqytjan Ótkelbaev juma ýaǵyzyn júrgizip, jańadan taǵaıyndalǵan bas ımam Erejepov Sábıt Ázimbekulyn tanystyrdy.

Jamaǵat aldynda QMDB tóraǵasy, Bas múftı Naýryzbaı qajy Taǵanulynyń buıryǵyn oqyp, Sábıt Ázimbekulyna sáttilik tiledi. Sondaı-aq, Kóktal meshitiniń bas ımamy qyzmetin atqaryp kelgen Otarov Ilııas ımamǵa jamaǵat atynan alǵys bildirdi.

Erejepov Sábıt Ázimbekuly – Astana jamaǵatyna baıaǵydan etene tanys din qyzmetkerleriniń biri. Astana qalasyna 2010 jyly aýysyp kelgen buǵan deıin Elordadaǵy birneshe qulshylyq ordasynda jemisti qyzmet atqarǵan.

Bilimi:

1993 jyly Ózbekstannyń Ándijan qalasyndaǵy «Saıd Mýhıddın Mahdým» medresesin támamdaǵan.
2006-2010 jyldary «Nur Múbarak» Egıpet Islam mádenıeti ýnıversıtetinde ımam hatıb mamandyǵy boıynsha bilim alǵan.
2005 jyly Almaty ımamdar ıslam ınstıtýynda bilim jetildirgen.
2016 jyly Túrkııa Respýblıkasy, Bolý qalasyndaǵy 2 aılyq bilimin jetildirý kýrsyna qatysqan.

Eńbek joly:

1999 jyly Taraz qalasyndaǵy «Áýlıe ata» meshitine qarasty medresede ustaz;
2001 jyly Almaty oblysy, Ile aýdany, Yntymaq eldimekeninde bas ımam;
2010 jyly Astana qalasy «Sádýaqas Ǵylmanı» meshitiniń naıb ımamy;
2016 jyly Astana qalasy «Sheıh Kýnta qajy» meshitiniń naıb ımamy;
2018 jyly «Sheıh Kýnta qajy» meshitiniń bas ımamy;
2021 jyldan beri «Áljan ana» meshitiniń naıb ımamy, bas ımamy qyzmetterin atqarǵan.

Источник: Aidos