ELORDADAǴY MÁÝLIT KEShINDE «MÁÝLIT SYIY» MEN UMRA JOLDAMASY TABYSTALDY (FOTO)
Elordada ótken «Izgilik jarshysy – áz Muhammed (ﷺ)» atty Máýlit keshinde Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qoǵam ıgiligi úshin eńbek etip júrgen birqatar sala mamandaryna «Máýlit syıyn» tabystady.
Máýlit syıy ardaqty Paıǵambarymyzdyń (ﷺ) kórkem minezi men adamgershilik jolyn úlgi etip, óz salasynda izgi istermen aınalysyp júrgen azamattarǵa berildi. Bul syı — bilim, mádenıet, medıtsına, áleýmettik jáne qaýipsizdik salalarynda adal qyzmet etip júrgen jandarǵa degen rýhanı qoldaý men qurmettiń belgisi.
Marapat ıeleriniń qatarynda mýzeı men kitaphana qyzmetkerleri, ustazdar, dárigerler, órt sóndirýshiler, sondaı-aq memlekettik jáne otbasylyq keńes berý mekemeleriniń ókilderi bar.
Bas múftı Naýryzbaı qajy Taǵanuly máýlit syıynyń ıegerlerine el ıgiligi jolynda atqaryp jatqan eńbekteri úshin alǵys bildirdi. Sonymen birge kesh barysynda kórermender arasynda utys oınatylyp, Astana qalasynyń Bıbigúl esimdi turǵyny umra qajylyǵyna joldamany jeńip aldy.
