Elordadaǵy «Okadzaki» restoran jelisine halal sertıfıkaty tabystaldy
Elordadaǵy qoǵamdyq tamaqtaný oryndarynyń biri – «Okadzaki» restoran jelisi «QMDB Halal» sertıfıkatyna ıe boldy. Sertıfıkatty «Halal Damý» dırektory Aıbek Asqarbekuly tabystady.
«Okadzaki» restoran jelisiniń 7 tamaqtaný orny «Qoǵamdyq tamaqtandyrý qyzmetteri» standartyna saı sertıfıkattaldy.
«2016 jyly ashylǵan shaǵyn sýshı jelisi birneshe jyldyń ishinde alpaýyt restoranǵa aınaldy. Bizdiń basty qupııamyz – tájirıbeli aspazdar, balǵyn kókenister men tabıǵı azyq-túlikterden daıyndalatyn ónim, eń bastysy talǵampaz tutynýshylardyń kóńilin taba bilýimiz. Ár tutynýshynyń talap-tilekterin nazardan tys qaldyrmaı, halal ónimdi tańdaýshylardyń usynysy boıynsha «QMDB Halal» standarty boıynsha sertıfıkattaýdan ótýdi jón kórdik. Birneshe aıǵa sozylǵan halal standarttaý jáne sertıfıkattaý barysynda «Halal Damýdyń» kásibı bilikti mamandary úzdiksiz qoldaý, baǵyt-baǵdar kórsetti. Nátıjesinde, halal sertıfıkatyna ıe bolyp qana qoımaı, as daıyndaý tehnologııasyn odan ári jaqsarta tústik. Aldaǵy ýaqytta «halal» tańbasyna laıyqty qyzmet atqaratyn bolamyz», – degen «Okadzaki» restorany ókili dinı basqarma qyzmetkerlerine alǵysyn bildirdi.
