Erejep aıynyń qurmetine qaıyrymdylyq shara uıymdastyryldy (FOTO)

Esigimizden engen qasıetti Erejep aıynyń qurmetine oraı Astana qalasyndaǵy «Yryskeldi qajy» meshitinde búgin qaıyrymdylyq sharasy ótkizildi. «Qaıyrymdylyq – qaıyrly is» aktsııasy aıasynda uıymdastyrylǵan qamqorlyqqa Elordamyzdaǵy 50 muqtaj otbasy qamtyldy. Kúndelikti turmysqa qajetti azyq-túlikten bastap, sút, maı, tuz sekildi barlyq ónimder toltyrylǵan «qaıyrymdylyq sómkesi» jıylǵan jamaǵattyń rızashylyǵyn týdyryp, meıirimge toly meshit qyzmetkerleriniń sózi jandaryn jadyratty.  

Meshit bas ımamy Iahııa Abdollauly jıylǵan jamaǵatqa Erejep aıynyń qadir-qasıeti jaıynda aıta kelip, saýapqa toly bul aıdy jaqsy amaldarmen ótkizip, meıirimdi bolýǵa úndedi. Búgingi uıymdastyrylyp otyrǵan sharanyń negizgi maqsaty da qoǵam arasynda qaıyrymdylyq dánin kóktetip, bir-birimizge baýyrmal bolýǵa shaqyrý ekenin atap ótti.

Sýretterdi «FOTOGALEREIa» aıdarynan kóre alasyzdar!