Ersin Ámire oqyrman saýaldaryna jaýap berdi (FOTO)
Búgin QMDB Ǵulamalar keńesiniń múshesi, Almatydaǵy «Tóle bı» meshitiniń bas ımamy, elimizge belgili ıslamtanýshy-ǵalym Ersin Ámire «Call-ortalyqtaǵy suraq-jaýap» aıdarynda qonaq bolyp, oqyrman suraqtaryna jaýap berdi.
Dinı basqarmanyń áleýmettik jelidegi paraqshasynda «Aýyrmaıtyn jol izde» taqyrybynda ótken tikeleı Efırde Ersin Bekaıdarulyna kópshiliktiń densaýlyq, tán men jan saýlyǵyna qatysty saýaldarynan bólek otbasy, qulshylyq-ǵıbadatqa qatysty saýaldar da qoıyldy. Efır bastala salysymen Call-ortalyqtyń telefonyna tynym bolmady. Ári qońyraý shalyp, ári Efırdi tamashalap otyrǵan kórermen qaýym suraqtaryna tushymdy jaýap bergen E.Bekaıdarulyna alǵystaryn aıtyp, jyly lebizderin jetkizgenin erekshe ataı ketken jón.
Qysqa ýaqytta neke jáne talaq máselesine, erli-zaıyptylardyń qarym-qatynasyna qatysty suraqtardyń kóp qoıylýy qoǵamdaǵy otbasylyq problemalardyń kúıip turǵanyn baıqatsa kerek. Búgingi Efırdiń tolyq nusqasyn osy silteme arqyly tamashalaı alasyz.
«Call-ortalyqtaǵy suraq-jaýap» jobasy aldaǵy ýaqytta taǵy da jalǵasady. Al QMDB dinı aqparat berý ortalyǵynyń nómiri 8 (7172) 33 30 30 ekenin taǵy da eske salamyz.
