Esepshilerdiń jyldy qorytyndylaýǵa arnalǵan jıyny ótti (FOTO)
Shymkent qalasynda Qazaqstan musylmandary dinı basqarmasyna qarasty óńirlerdegi meshit esepshileriniń ótken jylda atqarylǵan jumystardy qorytyndylaýǵa arnalǵan arnaıy jıyn ótti.
Alqaly jıyndy ashqan Shymkent qalasynyń bas ımamy Baqdáýlet Abdrahmanov esepshilerdiń ıgi isterine alǵysyn bildirdi. Sondaı-aq QMDB-nyń bas esepshisi Laýra Baıjarasova dinı saladaǵy esep-qısap júrgizý jumystary zamanaýı tásilmen júzege asyp jatqanyn atap ótip, osy baǵytta esepshilerdi belsendi qyzmet etýge shaqyrdy.
Jıyn barysynda óńirden kelgen esepshiler esep-qısap júrgizý jumysyn ońtaılandyrý baǵyty boıynsha óz oılaryn ortaǵa salyp, pikir almasyp, tájirıbesin bólisti.
Jıyn qorytyndysy boıynsha Qaraǵandy oblysynyń bas esepshisi Rymgúl Temirbekqyzy, Shymkent qalasynyń bas esepshisi Alshagúl Ákimbaıqyzy, Nur-Sultan qalasynyń bas esepshisi Qaırat Ánýaruly jyldyq esep boıynsha úzdik dep tanyldy.
Sondaı-aq meshit esepshileri QMDB-nyń «Darhan dala» jobasy aıasynda Túrkistan oblysyndaǵy kıeli oryndardy, onyń ishinde Qoja Ahmet Iasaýı jáne Ibrahım ata kesenelerin zııarat etip, baba rýhyna qasıetti Quran aıattaryn baǵyshtady.
