Forým aıasynda semınar-trenıng uıymdastyryldy (FOTO)

Qazaqstan musylmandary dinı basqarmasy Jastar isi sektory «Islam – yntymaq pen birlik dini» jyly aıasynda uıymdastyrǵan «Jalyndy jastar yntymaǵy» respýblıkalyq jastar forýmynyń ekinshi bólimi semınar-trenıngke jalǵasty.

Forým aıasynda ótken semınar-trenıngte IT mamany, bloger Tımýr Bektur, «Qsport» jobasynyń jetekshisi, kásibı jattyqtyrýshy Jandos Abýmýtalıfuly jáne Dinı ońaltý bóliminiń meńgerýshisi Hasan Amanqul jastarǵa dáris oqydy.

Bloger Tımýr Bektur «Jastar jáne tehnologııa» taqyrybynda áleýmettik jelilerdi qoldanýdyń qyr-syryn tanystyryp ótse, sport bapkeri Jandos Abýmýtalıfuly Mahambet Ótemisulynyń «Ereýil atqa er salmaı...» óleńin zamanaýı kózqarasta túsindirdi. Al ıslamtanýshy Hasan Amanqul Islamdaǵy dinı aǵymdar men onyń erekshelikterine keńinen toqtaldy.

Semınar-trenıng sońynda suraq-jaýapqa kezek berilse, qatysýshy jastar usynystaryn jetkizip, kókeıde júrgen saýaldaryna tushymdy jaýap aldy.   

​