Gaza aımaǵymen shekarasyna quryshtan quıylǵan qorǵan turǵyzýǵa kiristi
Izraıl memleketi Gaza aımaǵymen shektesetin tusqa bıiktigi alty metr bolatyn, uzyndyǵy 65 metrge sozylǵan qurysh qorǵan turǵyzý isine kiristi. Bul jaıynda Izraıl premer-mınıstri Bınıamın Netanıahý málimdedi.
Israel Hayom gazeti habarlaǵandaı, Netanıahý Úkimet otyrysynda Gaza shekarasyndaǵy qurysh qorǵan «palestınalyqtardyń Izraılge enýine» tosqaýyl bolatynyn atap aıtqan. Al, palestınalyqtarǵa qatysty «eger olar tynysh júrmese, biz olarǵa qarsy mindetti túrde shara qoldanamyz» dep doq kórsetti.
Gazette aıtylǵandaı, qurysh qabyrǵa jerasty joldaryn anyqtaýǵa arnalǵan bógetpen jalǵasatyn bolmaq. Al, batysynda Jerorta teńizine salynyp sýdyń astyńǵy jáne sý betinde birdeı salynyp jatqan tosqaýylmen shektesedi. Qorshaýdyń ońtústigi «Kerem Shalom» eldimekeniniń kúzet aýmaǵyna baryp tireledi.
