Ǵulamalar keńesi 2021 jyldy qorytyndylady (FOTO)
13-14 jeltoqsan kúnderi Nur-Sultan qalasynda Bas múftı Naýryzbaı qajy Taǵanulynyń tóraǵalyǵymen Ǵulamalar keńesiniń 2021 jylǵy qorytyndy májilisi ótti.
Keńestiń HHHII májilisinde «Múlikti bank arqyly satý» úkimi, «Altyn jáne kúmis saýdasyna qatysty» úkim jáne «Salynǵaly jatqan jyljymaıtyn múlikti satý úkimi» taqyrybynda jazylǵan pátýalar mátini qaralyp, bekitildi. Sonymen qatar birneshe kontseptýaldy qujattar da talqyǵa túsip, qabyldandy.
Aıta ketsek, Ǵulamalar keńesi búginde pármendi ınstıtýtqa aınaldy. Munda sharıǵatymyzdyń negizderine súıenip, musylman qaýymy arasynda týyndaǵan kókeıkesti, túıtkildi dinı máselelerdi talqylap, der kezinde sharıǵı pátýalar men kontseptýaldy qujattar qabyldaıdy.
Qoryta kelgende, 2021 jyly keńes jumysynda 23 pátýa, 2 qujat pen 2 ǵylymı joba bekitilip, 2 málimdeme jarııalandy.
