Ǵulamalar keńesinde 6 pátýa qabyldandy (FOTO)
Almaty qalasyndaǵy Ortalyq meshitte QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen ótken Ǵulamalar keńesiniń HHHIII májilisi qorytyndylandy.
Keńes hatshysy Batyrjan Berdenuly Bas múftıge qabyldanǵan pátýalar jaıly baıandap, eki kúndik jumystyń esebin habarlady. QMDB Tóraǵasy Naýryzbaı qajy Taǵanuly nátıjeli eńbek etip kele jatqan ǵalymdarǵa alǵys bildirip, rızashylyq nıetin jetkizdi.
Aıta ketsek, Ǵulamalar keńesiniń HHHIII májilisinde «Áskerı boryshty óteýdiń úkimi», «Qaýeset taratýdyń úkimi», «Jeke tulǵa men memleket múlkin búldirý jáne qol suǵýdyń úkimi», «Janýarlardyń aǵzasyn adamǵa transplantatsııalaýdyń úkimi», «Shashty transplantatsııalaýdyń úkimi», «Artyq saýsaqty alýdyń úkimi» taqyrybynda ázirlengen pátýalardyń mátini bekitilip, sheshim qabyldandy.
Sonymen qatar, «Islam Entsıklopedııasy» kitabynyń I tomynyń, «Babalar izimen: Qazaq dalasyndaǵy musylmandyq mektep» kitabynyń jáne «Q.A.Iasaýı ómiri, qyzmeti, shyǵarmashylyǵy» kitabynyń mazmuny talqylandy.
Eske salsaq, ótken jyly «Pátýalar jınaǵynyń» úshinshi tomy jaryq kórdi.
