ǴULAMALAR KEŃESINIŃ 47-MÁJILISI BASTALDY

Búgin Almaty oblysy, Qonaev qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Ǵulamalar keńesiniń 47-májilisi bastaldy.

Kún tártibinde birqatar mańyzdy dinı-quqyqtyq jáne uıymdastyrýshylyq máseleler qarastyrylýda. Atap aıtqanda, «Qazaqstan musylmandarynyń ortaq qundylyqtar tuǵyrnamasy» qujatyn jáne QMDB «Qazaq Quran baspasynyń baspa úıine deıingi zertteý jáne ázirleý» jumystaryn talqylaý, QMDB-nyń 2026 jylǵa arnalǵan negizgi baǵyttary men jyl ataýyn aıqyndaý, sondaı-aq birqatar pátýalar boıynsha sheshim qabyldaý josparlanǵan.

Sonymen qatar májilis barysynda zamanaýı medıtsınalyq jáne tehnologııalyq máselelerge qatysty pátýalar talqylanyp, bekitiledi. Atap aıtqanda, «Jasandy ıntellekten pátýa alý», «Klondaý», «Barıatrııalyq hırýrgııa jasatý» jáne «Hımııalyq tazalaý arqyly nájisti ketirý» máseleleri kún tártibine engizilgen.

​