Ǵulamalar keńesiniń músheleri kórermen saýalyna jaýap berdi (VIDEO)
Búgin QMDB Ǵulamalar keńesiniń músheleri, ustaz-ǵalymdar tikeleı Efırde kórermen suraqtaryna jaýap berdi.
«Ramazan – Quran aıy» atty suraq-jaýap formatyndaǵy onlaın baǵdarlamaǵa QMDB Tóraǵasynyń orynbasary, naıb múftı Sansyzbaı Qurbanuly, Dinı bilim jáne kadr daıarlaý bóliminiń meńgerýshisi Smaıyl Seıtbekov pen Ýaǵyz-nasıhat bóliminiń meńgerýshisi Batyrjan Mansurov qatysty.
Dinı basqarmanyń MÝFTIIaT QMDB YouTube-arnasynda jáne Instagram jelisindegi @muftiyatkz paraqshasynda ótken tikeleı Efırde ǵalym-ustazdar Quran Kárimdi oqýdyń, jattaýdyń artyqshylyǵy, ásirese, Ramazan aıyndaǵy hatym jáne ony oqýdyń ózindik erejeleri jaıly nasıhat aıtyp, saýaldarǵa jaýap berdi. Sondaı-aq kórermender orazaǵa qatysty jáne ózge de dinı saýaldaryna tushymdy jaýap aldy.
