@HALAL_DAMU_BOT telegram boty iske qosyldy
«Halal Damý» jáne «qBots» kompanııasynyń daıyndaýymen @halal_damu_bot telegram boty iske qosyldy.
Kópshiliktiń suranysy boıynsha, jeńildetilgen format, kórneki dızaınmen sońǵy úlgide daıyndalǵan bot búginnen bastap tutynýshylar qoldanysyna jol tartady. @halal_damu_bot telegram botynyń negizgi fýnktsııasy – «Halal kásiporyndardy izdeý», «Sertıfıkat alýǵa ótinish bildirý», «Suraq/Jaýap» qyzmetterin qoljetimdi ári qolaıly etý. Atalǵan bot eki tilde qyzmet kórsetedi.
Sonymen qatar barlyq aqparat tikeleı halaldamu.kz resmı saıtynan alynyp, ár apta saıyn jańartylyp turady. «Izdeý» batyrmasynda «Óńir» jáne «Kategorııa» taraýlary boıynsha tańdaý jasap, ózińizge qajetti ónimniń «Saýda belgisin» nemese «Óndirýshi ataýyn (JK/JShS)» engizip, bazada tirkelgen ne tirkelmegendigine kóz jetkizýge bolady. Jáne «Sertıfıkat alý» batyrmasyn bassańyz, resmı saıttaǵy ótinish berý mázirine qosylasyz. Al «Suraq/Jaýap» batyrmasynda «Operatorǵa suraq qoıý» jáne «Jıi qoıylatyn suraqtar» jaýabymen tanysý fýnktsııalary qarastyrylǵan.
Halal ónimdi tutynýshylar qoldanysy men «Halal Damý» uıymynyń qyzmetin jeńildetý maqsatynda @halal_damu_bot telegram botyn qurastyrǵan «qBots» kompanııasyna alǵys bildiremiz. Rasynda, adamnyń eń jaqsysy ‒ basqalarǵa paıdaly bolǵany. «Jaqsylyqtyń jaqsylyqtan basqa qaıtarymy bar ma?» dep «ár-Rahman» súresinde baıandalǵandaı, shynynda da jaqsylyqtyń qaıtarymy ‒ tek jaqsylyq qana. Endeshe, @halal_damu_bot botyna jazylyp, tirkelýdi umytpańyz!
