I Halyqaralyq Jastar forýmy ótedi
Qazaqstan musylmandary dinı basqarmasy Jastar isi sektory «Jastar jylyna» oraı 11-sáýir kúni «JASTAR JÁNE RÝHANIAT» atty jastar forýmyn ótkizýdi josparlap otyr. Forýmǵa elimizdiń belsendi zııaly qaýym ókilderi, jastar uıymdarynyń basshylary, medrese shákirtteri jáne Nur-Sultan qalasyndaǵy JOO-nyń 300-deı stýdent qatysady.
Forýmnyń jumys tártibinde jastar máselesine qatysty ózekti suraqtar boıynsha tájirıbe almasýlar, osy baǵytta yntymaqtastyqty nyǵaıtý, jas býynnyń áleýetin arttyrý, dinı Ekstremızm men radıkalızmnyń aldyn alýdyń tájirıbelik mehanızmderin qalyptastyrý, t.b. máseleler talqylaý josparlanǵan.
«JASTAR JÁNE RÝHANIAT» atty jastar forýmy QR Tuńǵysh Prezıdenti, Nursultan Ábishuly Nazarbaevtyń «2019 – Jastar jyly» dep jarııalaǵan ıgi bastamasyn belsendi qoldap, «Álemdik jáne dástúrli dinder kóshbasshylarynyń sezi», «Bolashaqqa baǵdar: rýhanı jańǵyrý», «Uly dalanyń jeti qyry» ıdeıalaryn rýhanı-dinı turǵydan nasıhattaýdy kózdeıdi.
Forým maqsaty:
«Jastar jyly» aıasynda Qazaqstan musylmandary dinı basqarmasy men elimizdiń belsendi jastary arasynda ózara baılanys qurý jáne ár túrli jastar uıymdarymen birlese otyryp, qazirgi kezdegi jastar arasyndaǵy túıitkildi máselelerdi sheshimin tabýǵa atsalysý.
Mindetteri:
- dinı Ekstremızm men terrorızmniń aldyn alýǵa qatysty is-sharalardy uıymdastyra otyryp, Qazaqstan musylmandarynyń birtutastyǵyn qalyptastyrý;
- dinı radıkaldy ıdeologııa jáne olardan keletin qaýip-qatermen jastar bolyp kúresýdiń ádis-tásilderin meńgerý;
- rýhanı qundylyqtarymyzdy arttyrý;
- jastardyń jan-jaqty bilim alyp olardyń ortaǵa saı daıyn bolyp kelýin talqylaý;
- jastar arasynda áleýmettik problemalardyń sheshý joldaryn tabý;
- aldyńǵy tolqyn men keıingi tolqynnyń arasynda kópir qalyptastyrý jáne t.b.
Jastardyń durys bilim alyp, baǵyt-baǵdaryn durystaýy qaı el bolmasyn tynyshtyǵy men turǵyndarynyń qaýipsizdigi qoǵamnyń basty talaby. Osy oraıda bolashaǵynyń baıandy bolýyn, eldiń tynyshtyǵyn oılaǵan jas uıymdarǵa atalmysh is-sharaǵa atsalysý negizgi mindetteriniń biri bolyp tabylady.
Kútiletin nátıjeler:
- dinı Ekstremızm ıdeologııalarynyń aldyn alý jumystaryn júrgizý barysynda tıimdi nátıjelerge qol jetkizetin túrli ádis-tásilder aıqyndalyp, kópshilikke usynylady;
- ár túrli salalardaǵy stýdentter men forýmǵa qatysýshylar memleket pen Dinı basqarmalardyń din týraly ustynymdaryn jan-jaqty meńgerýine yqpal etedi;
- jastardyń kásibıligi shyńdalyp, óz-ózderin damytýǵa qatysty jańa maqsattardy alǵa qoıyp, jan-jaqty bilim alýǵa oń áserin tıgizedi;
- JOO-larda oqyp jatqan jastardyń basyn qosyp bir Dinı basqarmanyń janyna jınalýǵa septigin tıgizedi;
- Forým jumysynyń qortyndysy boıynsha úndeý qabyldanady.
Baıandamashylar:
- Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz
- Reseı Federatsııasynyń bas múftıi, Reseı musylmandary dinı basqarmasynyń tóraǵasy Ravıl Gaınýtdın
- QR Májilis depýtaty, Aýǵan soǵysynyń ardageri Baqytbek SMAǴUL
- L.Gýmılev atyndaǵy Eýrazııa ulttyq ýnıversıtetiniń áleýmettik-mádenı damý jónindegi prorektory, QR UǴA akademıgi Dıhan QAMZABEKULY
- Reseı qoǵam qaıratkeri, RF Qoǵamdyq palatasynyń múshesi, «Salaýatty Reseı» federaldi jobanyń jetekshisi Sýltan HAMZAEV
- Nur-Sultan qalasynyń Qoǵamdyq damý isteri basqarmasynyń basshysy
Danııar ESIN - QR Aqparat jáne qoǵamdyq damý mınıstrligi janyndaǵy Jastar jáne otbasy ister komıtetiniń tóraǵasy Ashat ORALOV
- «Astana Arlans» kásipqoı boks klýbynyń bas menedjeri Baqtııar ARTAEV
- «CASCADIACONSUMER ELECTRONICS CORP.» jaýapkershiligi shekteýli qoǵamynyń Nur-Sultan qalasyndaǵy fılıalynyń dırektory Tilektes ADAMBEKOV
- Nur-Sultan qalasy qoǵamdyq ister basqarmasynyń bas mamany Ádilet TÓLEÝTAEV
- «Qazaqstan stýdentteri Alıansy» qoǵamdyq birlestiginiń múshesi Ánýar JUMABEKOV
- «Nur Múbárak» Egıpet Islam mádenıeti ýnıversıtetiniń úshinshi kýrs stýdenti Shyńǵys SADÝEV
- Nur-Sultan qalasy boıynsha Jastar isi sektorynyń meńgerýshisi Mahambet ISKANDEROV
Ótkizý orny jáne ýaqyty: Nur-Sultan qalasy, Qazaqstan musylmandary dinı basqarmasynyń konferentsııa zaly, 2019 jyldyń 11 sáýiri, saǵ. 15.00-de.
