I RESPÝBLIKALYQ BATA BERÝ BAIQAÝY BASTALDY (FOTO)

Qazaqstan musylmandary dinı basqarmasynyń uıymdastyrýymen Astana qalasynda Bas meshitte aqsaqaldar arasynda I respýblıkalyq bata berý baıqaýy bastaldy.

Baıqaýǵa oblys, qalalarda ótken irikteý týrynda úzdik dep tanylǵan 20 aqsaqal qatysýda. Igi is-sharanyń ashylý saltanatynda Bas múftı Naýryzbaı qajy Taǵanuly: «Halqymyz úshin bata berý – adam balasynyń senimin nyqtaıtyn maǵynaly, rýhanı kúsh. Ata-babalarymyz burynnan aqsaqaldyń batasyn, alǵysyn alýdy ózine paryz sanaǵan. Batany kópti kórgen qarııalar ǵana beredi. 

Sondyqtan qarııalar da halyq aldynda bedelin túsirip almaýǵa, bata berýge laıyq bolýǵa tyrysqan. Biz bata berý dástúrimizdi jańǵyrtý maqsatynda osy is-sharany respýblıkalyq deńgeıde ótkizip otyrmyz» dedi.

Baıqaý jeńimpazdary sharıǵat pen dástúrge saı maǵynaly bata berý, daýys yrǵaǵy, kıim úlgisi, qosymsha suraqtarǵa jaýap berý talaptary boıynsha anyqtalady.