II RESPÝBLIKALYQ SÁN KIIM BAIQAÝY BASTALDY (FOTO)

Búgin Astana qalasynda Qazaqstan musylmandary dinı basqarmasy Áıel-qyzdar sektorynyń uıymdastyrýymen II respýblıkalyq musylman áıelderiniń «Ásem kıim – áıel ajary» sán kıim baıqaýy bastaldy.

Baıqaýǵa qatysqan Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly: «Asyl dinimiz Islamda áıelge aıryqsha mártebe berilgen. Imandylyq, izettilik, qaıyrymdylyq, janashyrlyq jolyn ustanǵan halqymyz qyz-kelinshekti qurmetteýdiń úlgisin kórsetken. Qyzdy qurmetteýge kelgende ony tipti tórge shyǵarǵan, al tárbıesine kelgende qyzdy qyryq úıden tyıǵan. Osy tyıymnyń bári áıeldiń ımany men qurmetin, ary men uıatyn qorǵaıdy.

Rasynda, qazaq halqynda: «Áıel – bir qolymen besikti terbetse, ekinshi qolymen álemdi terbetedi» degen naqyl sóz bar. Munyń maǵynasy óte tereń. Óıtkeni, kez-kelgen adamnyń anasy - onyń alǵashqy medresesi. Adam balasy alǵashqy tárbıeni anasynan alǵandyqtan, bul rette sizderge júkteler mindet asa úlken. Alla jar bolsyn. Búgingi is-sharaǵa sáttilik tileımin» dedi.

Aıta keteıik, is-sharanyń maqsaty – áıel-qyzdarǵa sharıǵat pen dástúrimizge saı, qazirgi zaman talabyna oraı oramal men musylmansha kıim úlgilerin usyný.

Baıqaýda oblys-óńirden kelgen jıyrmaǵa jýyq dızaınerdiń usynǵan 200-den astam musylmansha kıim úlgileri kórsetilýde. Baıqaý sońynda jeńimpazdar arnaıy syılyqtarmen marapattalady.

​