IMAMDAR SEMINARYNDA QMDB QUJATTARY TALQYLANDY (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen elordalyq din qyzmetkerlerine bilim jetildirý semınary ótip, «Ádep keńesi», «Imamnyń tulǵalyq kelbeti» qujattary talqylandy.
Semınardy QMDB Strategııalyq taldaý jáne damý bóliminiń meńgerýshisi Smaıyl Seıtbekov júrgizip, ımamdardyń qyzmettik Etıkasy, jaýapkershilik mádenıeti jáne din qyzmetkeriniń qoǵamdaǵy orny týraly keńinen túsindirdi.
Smaıyl Súıerqululy «Ádep keńesi» men «Imamnyń tulǵalyq kelbeti» qujattarynda kórsetilgen negizgi qaǵıdalarǵa toqtalyp, ımamdardyń minez-qulyq mádenıeti, jamaǵatpen ózara baılanys ornatý ádebi jáne dinı qyzmettiń sapasyn arttyrý baǵytynda naqty mysaldar keltirdi.
Sonymen qatar, semınar barysynda din qyzmetkerleriniń bedelin kóterý, olardyń kásibı jáne rýhanı damýyn qamtamasyz etý, sondaı-aq meshit jumysynyń tıimdiligin arttyrý joldary talqylandy.
Jıyn sońynda qatysýshylar taqyryp boıynsha suraqtar qoıyp, óz usynystaryn bildirdi. Semınarǵa qatysqan ımamdarǵa arnaıy sertıfıkattar tabystaldy.
Источник: Aidos
