Imamdarǵa qajylyq mıssııasy túsindirildi (FOTO)
Qazaqstan musylmandary dinı basqarmasynyń Ortalyq apparatynda ótip jatqan Qajylyq-2022 ýaǵyzshylarynyń biliktiligin arttyrýǵa arnalǵan semınarda bólim meńgerýshileri, mamandar ımamdarǵa qajylyq mıssııasyn túsindirdi.
Aldymen Qajylyq bóliminiń meńgerýshisi Jándillá Bekjigitov mıssııa jumysyn tanystyryp, sapar barysyn túsindirip ótse, Bas múftı keńesshisi Bıjigit Nurjigituly Otandyq qajylardy jat aǵym yqpalynan saqtaýdyń joldary men ádis-tásilderine toqtaldy. Odan keıin Sharıǵat jáne pátýa bóliminiń mamany Medet Qursaqov qajylyq saparyndaǵy fıqh máselelerin túsindirse, Dinı bilim jáne kadr daıarlaý bóliminiń meńgerýshisi Smaıyl Seıtbekov Alla elshisiniń (oǵan Allanyń salaýaty men sálemi bolsyn) ómirbaıany jáne Islam tarıhyndaǵy oqıǵalardy baıandap berdi.
Al semınardy túıindegen Ýaǵyz-nasıhat bóliminiń meńgerýshisi Batyrjan Mansurov qajylarǵa ýaǵyz aıtýda tıimdi taqyryptardy paıdalaný jóninde ımamdarǵa keńesin berdi.
