«IMAN» JÝRNALY MEN «MUNARA» GAZETI JYLDY QORYTYNDYLADY
2025 jyly Qazaqstan musylmandary dinı basqarmasynyń tól basylymdary «Iman» jýrnalynyń 12, «Munara» gazetiniń 24 nómiri jaryq kórdi.
Qos basylym da múftııattyń 35 jyldyq merekesi jáne Abaı Qunanbaıulynyń 180 jyldyǵyna arnaıy nómir daıyndady. Sondaı-aq «QMDB-35» aıdary boıynsha ardager ımamdardyń ómiri men qyzmeti jaıly suhbattar men maqalalar uıymdastyryldy. Gazet-jýrnal ujymynyń uıytqy bolýymen «Abaı. Alash. Asyl din» taqyrybynda shyǵarmashylyq baıqaý ótip, jeńimpazdar marapattaldy.
2025 jyly jalpy «Iman» jýrnalynda 158 materıal, onyń ishinde 12 suhbat men 18 suraq-jaýap jáne qalǵany dinı-tanymdyq, saraptamalyq maqalalar jarııalandy. «Munara» gazetiniń BAQ ókilderi arasynda jýrnalıster kúnine oraı dástúrli túrde ótetin ústel tennısi týrnıri 2025 jyly besinshi ret uıymdastyryldy.
Budan bólek, elimizdiń birneshe oblys ortalyǵynda «Iman» jýrnaly men «Munara» gazetiniń medıasemınary ótti. Medıasemınarda «Faktchekıng: Shynaıy jáne jalǵan aqparat», «Gazet-jýrnaldyń nasıhat baǵytyndaǵy róli», «Dinı maqala jazýda jasandy ıntellekt quraldaryn qoldaný» taqyryptary keńinen talqylandy.
