«IMANI JAZ-2023» JAZǴY SAÝAT AShÝ KÝRSY BASTALDY (FOTO)

1 maýsym – Halyqaralyq Balalardy qorǵaý kúni merekesine oraı QMDB bastamasymen elimizdegi meshitterde «Imanı jaz-2023» jazǵy saýat ashý kýrstary óz jumysyn bastady. Mektep oqýshylarynyń jazǵy demalysyn paıdaly ótkizý maqsatynda jyl saıyn uıymdastyrylyp kele jatqan bul joba aıasynda bıylǵy jyly Astana boıynsha 2 000-ǵa jýyq oqýshy Quran álippesimen tanysyp, ádep jáne ımandylyq dáristerimen sýsyndamaq.

Búgin elorda tórindegi «Áziret Sultan» meshitinde «Imanı jaz-2023» jazǵy saýat ashý kýrsynyń ashylý saltanaty ótti.

Qasıetti Quran aıattarymen ashylǵan saltanatty shara aıasynda qala bas ımamy Erbolat Júsipov búldirshinderdi merekemen quttyqtap, aq tilegin bildirdi. «Imanı jaz» jazǵy saýat ashý kýrsynyń mańyzdylyǵyna toqtalyp, jas jetkinshekterdiń meshit qabyrǵasynda dinı bilim ǵana emes, ádep-tárbıe dáristeri, bala sanasyn damytýǵa arnalǵan túrli oıyndar, ımandylyq, salt-dástúr sabaqtaryna qatysyp, jan-jaqty damı túsetinin jetkizdi. Sondaı-aq, shara aıasynda meshit bas ımamy jazǵy saýat ashý kýrsynyń oqý baǵdarlamasymen tanystyryp, arnaıy balalar úshin ázirlengen «Imanı jaz-2023» kitapshasyn tabystady.

Aıta keteıik, bıylǵy jyly «Áziret Sultan» meshitindegi «Imanı jaz» kýrsyna 500-den asa oqýshy qabyldanyp otyr. Saýat ashý kýrsyna qatysýshy balalar kún saıyn úsh saǵat meshit qabyrǵasynda bilim alady.

Balalar kúnine oraılastyrylǵan «Imanı jaz-2023» jobasy budan ári meshit aýlasynda merekelik baǵdarlamaǵa ulasty. Merekelik kóńil-kúı syılaý maqsatynda arnaıy shaqyrylǵan anımatorlar óner kórsetip, baldyrǵandarǵa tegin balmuzdaq taratyldy.

Sýretterdi «FOTOGALEREIa» aıdarynan kóre alasyzdar!