Indonezııada eki aral sý astyna ketti

17 qańtar 2020 4947 0
Оqý rejımi

Indonezııadaǵy Betet jáne Gýndýl atty eki aral teńiz deńgeıiniń kóterilýi sebepti sý astyna ketti dep habarlaıdy The Straight Times basylymy. Indonezııa Qorshaǵan ortany qorǵaý forýmynyń málimetterine silteme jasaǵan basylym qos araldyń teńiz deńgeıinen 1 jáne 3 metr tómende qalyp qoıǵanyn jazady.

Ońtústik Sýmatra provıntsııasyndaǵy qos aral Berbak-Sembılang ulttyq saıabaǵynyń qarasty bolǵan. Ulttyq saıabaq dırektory Affan Absorı Betet aralynyń tolyqtaı sý astynda qalǵanyn resmı málimdegen.

Aıta keteıik, Ońtústik sýmatra jaǵalaýynda úlkendi-kishili 23 aral ornalasqan. Keıbirinde adam turmaǵanymen, kópshiliginde fermerler men balyqshylar qonys tepken eken. Indonezııa Qorshaǵan ortany qorǵaý forýmynyń eskertýine qulaq túrsek, jaqyn arada Býrýng, Kalong, Salah jáne Kramat araldaryna da sýdyń astynda qalý qaýpi tónip turǵan kórinedi.

Pіkіrler Kіrý