Iordanııa elshisi 30 jyldyq mereıtoımen quttyqtady
Iordan Hashımıt Koroldiginiń Qazaqstandaǵy Tótenshe jáne Ókiletti Elshisi Iýsýf Abdelǵanı Bas múftı Serikbaı qajy Orazǵa quttyqtaý hatyn joldady.
QMDB qyzmetkerlerin 30 jyldyq mereıtoıymen quttyqtaǵan Iýsýf Abdelǵanı quttyqtaý hatynda izgi tilegi men nıetin jetkizgen.
«Sizge jáne Basqarma ujymyna Qazaqstan Musylmandary dinı basqarmasynyń qurylǵanyna 30 jyl tolýyna oraı joldaǵan quttyqtaýym men júrekjardy tilegimdi qabyl alýyńyzdy suraımyn. Sizderdiń izgi de saýapty qyzmetterińizge tolaǵaı tabystar men jetistikter tileı otyryp, Sizdiń mol tájirıbeńiz ben dinı bilimińiz baýyrlas qazaq eliniń rýhanı jandaný jolynda óz septigin tıgizetindigine senim bildiremin» delingen Iordan Elshisiniń quttyqtaý hatynda.
