«ISLAM – YNTYMAQ PEN BIRLIK DINI» KITABY JARYQ KÓRDI (FOTO)
Búgin Qazaqstan musylmandary dinı basqarmasynyń «ál-Farabı» zalynda ótken 2022 jyldyń qorytyndy Tóralqa májilisinde Bas múftı Naýryzbaı qajy Taǵanulynyń «Islam – yntymaq pen birlik dini» kitabynyń tanytymy ótti.
Qazaq qoǵamyna yntymaq pen birlikti, tatýlyq pen qaıyrymdylyqty nasıhattap júrgen Qazaqstan musylmandarynyń qara shańyraǵy – múftııat pen meshit ımamdary, barsha din qyzmetkerleriniń sońǵy bir jylda atqarǵan is-sharalary kitapqa enip, «MUFTYAT» baspasynan jaryq kórdi.
«Biz jyl basyndaǵy eldegi jaǵdaıǵa baılanysty 2022 jyldy dinı qyzmet aıasynda «Islam – yntymaq pen birlik dini» jyly dep jarııaladyq. Allaǵa shúkir, osy bastama aıasynda josparlanǵan birqatar bastamalar men is-sharalar júzege asty.
«Islam – yntymaq pen birlik dini» jyly aıasynda 400-den astam is-shara ótkizildi. Osy sharalar keler urpaqqa tarıh bolyp qalsyn degen nıetpen atqarylǵan jumystarymyzdy, jazǵan maqalalarymyzdy jınaqtap, kitap etip shyǵarǵan bolatynbyz» dedi Bas múftı.
Óz kezeginde QMDB Tóraǵasy Naýryzbaı qajy Taǵanuly jańa kitapty oblys bas ımamdaryna tabystady. Sosyn el amandyǵy úshin duǵa jasady.
