IV Respýblıkalyq medresearalyq olımpıada jeńimpazdary anyqtaldy (FOTO)

Aqtóbe qalasynda QMDB Dinı bilim jáne kadr daıarlaý bólimi men «Aqtóbe» medrese-kolledjiniń uıymdastyrýymen IV respýblıkalyq medresearalyq olımpıada máresine jetti.

Arab tili jáne fıqh pánderinen ótken olımpıadaǵa elimizdegi 9 medrese-kolledjdiń shákirtteri qatysyp, ózara júzden júırikti anyqtady.

Eki kúnge sozylǵan bilim dodasynda qatysýshalardyń bilimin QMDB Dinı bilim jáne kadr daıarlaý bólimi meńgerýshisiniń orynbasary Serikbol Arshabaev pen bólim mamany Jańabaı Qojın, Aqtóbe oblysynyń bas ımamy Serikjan Enshibaıuly men «Nur-Múbarak» Egıpet ıslam mádenıeti ýnıversıtetiniń oqytýshysy Erkebulan Núsipbaev baǵalady.

Qazylar alqasynyń tóraǵasy Serikbol Arshabaev: «Bilim oshaǵynan tabylý – baqytty ortadan, Allanyń jarylqaýyna ilikken toptan tabylý» dep olımpıadanyń mańyzy – stýdentterdiń bilimin shyńdaý ekenin atap ótti. Sondaı-aq bıylǵy olımpıadanyń ereksheligi – 2 kezeńniń de arab tilinde ótýi. Birinshi kezeńde qatysýshylar arab tilinen test tapsyrsa, ekinshi kezeńde arab tilinde berilgen taqyryp aıasynda áńgimelesip, jazbaasha Esse tapsyrdy. Odan ózge berilgen dinı mátindi oqyp, ony túsindirip berdi.

Bilim dodasynyń jeńimpazdaryn marapattaý sátinde uıymdastyrýshylar tarapynan olımpıadanyń ótýine atsalysqan Aqtóbe medrese kolledjniń dırektory Ábdimútáli Qaınazarulyna alǵys aıtyldy.

ARAB TILI PÁNINEN OLIMPIADA JEŃIMPAZDARY 

I oryn – Rahmetýllın Temirlan «Saryaǵash» medrese-kolledji (2 kýrs)
I oryn – Tasbolat Qasıet «Shymkent» medrese-kolledji (3 kýrs) 
II oryn – Erjanbek Madııar «Hıbatýla Tarazı» medrese-kolledji (2 kýrs) 
II oryn – Myńbaev Jalǵas «Aqtóbe» medrese-kolledji (3 kýrs) 
III oryn – Satylǵan Bekjan «Úshqońyr» medrese-kolledji (2 kýrs) 
III oryn – Ertýǵanov Súıenish «Úshqońyr» medrese-kolledji (3 kýrs)  

FIQH PÁNINEN OLIMPIADA JEŃIMPAZDARY 

I oryn – Mahmýd Dıas «Úshqońyr» medrese-kolledji (2 kýrs)
I oryn – Mardanov Erlan «Aqtóbe» medrese-kolledji (3 kýrs) 
II oryn – Qurmanalıev Asqar «Aqtóbe» medrese-kolledji (2 kýrs) 
II oryn – Ábdihalyq Sanat «Saryaǵash» medrese-kolledji (3 kýrs) 
II oryn – Toltaı Aıdos «Astana» medrese-kolledji (3 kýrs )
III oryn – Ótegen Nazarbaı «Astana» medrese-kolledji (2 kýrs ) 
III oryn – Jeńisuly Kenjebek «Ábý Hanıfa» medrese-kolledji (3 kýrs) 
III oryn – Sadykov Aqjol «Úshqońyr» medrese-kolledji (3 kýrs)   

​