«IZGI ANALAR IZIMEN» RESPÝBLIKALYQ FORÝMY ÓTTI (FOTO)
QMDB Áıel-qyzdar sektory Almaty qalasy ókildiginiń uıymdastyrýymen «Izgi analardyń izimen» taqyrybynda respýblıkalyq forýmy ótti.
Jıynǵa naıb múftı Kenjeáli Qońyratbaıuly, qalanyń bas ımamy Tólebı Dádiluly jáne QMDB Áıel-qyzdar sektorynyń meńgerýshisi Dınara Qutqojaqyzy qatysty. Naıb múftıi Kenjeáli Qońyratbaıuly alǵysóz sóılep, QMDB Tóraǵasy, Bas múftı Naýryzbaı qyjy Taǵanulynyń sálemin jetkizdi. Tarıhtaǵy analar kelbeti jaıynda tarqatyp aıtty.
Forýmda Almaty qalasynyń bas ımamy Tólebı Dádiluly ómir jalǵasyn sabaqtastyrýshy áıelder jaıly baıandama oqydy. Qazaqstan oqý aǵartý isiniń úzdigi, tarıhshy Amangúl Dáýletbaıqyzy «Qazaq tarıhyndaǵy analar danalyǵy» taqyrybynda sóz qozǵady. QMDB «Áıel-qyzdar» sektorynyń meńgerýshisi Dınara Qutqojaqyzy jáne sektordyń Almaty ókildigi boıynsha jaýapty mamany Gúlmıra Ilesbaıqyzy qazaq analarynyń kelbeti men analar amanaty jaıynda arnaıy baıandama jasady.
Sonymen qatar Jambyl, Almaty oblysynyń ájeler mektebiniń músheleri, ustazdary jáne Astana ókildigi boıynsha sektor jaýaptysy Elmıra Buqarbaeva respýblıkalyq forýmda quttyqtaý sóz sóıledi.
Forýmda tarıhı qoıylymdar qoıylyp, beıne-rolıkter kórsetildi. Áýezov aýdany «Aqsaı» meshitiniń ájeler mektebi ánnen shashý shashty. Názik jandylarǵa jádiger retinde 2-3 ǵasyrlyq kımeshekter men Reseıde saqtalǵan 1 ǵasyrlyq kúmis bilezik kórsetildi. Áıel-analar men aq jaýlyqty ájeler basqosýy qyz-kelinshekterge ónegeli dástúr qundylyǵyn dáripteýge úles qosty.
Derekkóz: azan.kz
