«IZGILIK KERÝENI»: ASTANADA 50 BALAǴA OQÝ QURALDARY TABYSTALDY

Astana qalasynyń bas ımamy Nurbek qajy Áýeshanulynyń jetekshiligimen «Áziret Sultan» meshitinde «Izgilik kerýeni» qaıyrymdylyq aktsııasy ótti. Is-sharada áleýmettik az qamtylǵan otbasylardan shyqqan 50 balaǵa mektepke qajetti sómkeler men oqý quraldary tabystaldy.

Qala bas ımamy jınalǵan qaýymdy jańa oqý jyly qarsańynda ótkiziletin bul qaıyrymdylyq aktsııasynyń mańyzyna toqtalyp, balalardyń sapaly bilim alýyna qoldaý kórsetý – qoǵamnyń ortaq mindeti ekenin atap ótti.

«Islam dini – meıirim men qamqorlyqtyń dini. Búgingi ıgi sharanyń maqsaty – balalarymyzdyń bilim jolyna senimmen qadam basýyna az da bolsa úles qosý. Bul – jaı ǵana syılyq emes, bul – olardyń jarqyn bolashaǵyna degen janashyrlyqtyń, qoǵamdaǵy aýyzbirshilik pen baýyrmaldyqtyń aıqyn kórinisi», – dedi Nurbek qajy Áýeshanuly.

Sondaı-aq bas ımam qaıyrymdylyq iske qoldaý kórsetken jomart jandarǵa alǵys aıtyp, Alla Taǵaladan olardyń rızyq-nesibesin arttyryp, otbasylaryna amandyq pen bereke násip etýin tiledi.

Aıta keteıik, «Izgilik kerýeni» qaıyrymdylyq aktsııasy Astana qalasy boıynsha basqa da meshitterde jalǵasyn tabady. 

Sýretterdi «FOTOGALEREIa» aıdarynan kóre alasyzdar!

Источник: Aisha