HALAL DAMÝ: ÁIEL JAMAǴATYNA ARNALǴAN SEMINAR ÓTTI
Aqmola oblystyq «Naýan haziret» meshitinde Áıel-qyzdar sektorynyń uıymdastyrýymen halal ónimderin tutynýǵa qatysty semınar ótti.
Is-sharaǵa QMDB «Halal Damý» mekemesiniń dırektory Aıbek Atashev pen oblystyń bas ımamy Qýanysh Sábıt qatysyp, kirispe sóz sóıledi. Áıel jamaǵaty aldynda «Halal Damý» mekemesiniń bas sarapshy-tehnology Aıjan Omarova keń kólemdi nasıhatqa negizdelgen dárisin oqydy.
Elimizde halal sertıfıkatyn alǵan mekemeler men kásiporyndar jáne olardyń ónimderi týraly aqparat aıtyldy. Spıker halal ónimder jóninde aqparattyq tehnologııalar tilimen tereń áńgimelep berdi.
«Halal máselesi – adamnyń kúndelikti amal-nıetinde aldynan kezigetin sharıǵat talaptarynyń biri. As ishseń de, kıim kıseń de, tipti, bir is jasasań da, onyń halal talaptarymen úndesýi mańyzdy sanalady. Al, áıel adamdarǵa bul – asa qajet qundylyq. Óz urpaǵynyń tárbıesinde de babalardan mıras bolǵan ımanı dástúrlerdi jańǵyrtýdyń taǵylymy mol» dedi Aıjan Omarova.
Osylaısha elordadan arnaıy kelgen spıker osy jaıdy mazmundy da, maǵynaly etip túsindirip berdi. Al qatysýshy áıel jamaǵaty ózderin qyzyqtyrǵan saýaldardy qoıyp, jan-jaqty jaýaptar aldy.
