HALAL DAMÝ: BAQ ÓKILDERINE ARNALǴAN SEMINAR ÓTTI (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly bekitken josparǵa sáıkes, búgin «Halal Damý» mekemesiniń dırektory Aıbek Asqarbekuly buqaralyq aqparat quraldary ókilderimen kezdesý ótkizdi.

Jıynǵa «Zeket jáne qaıyrymdylyq qorynyń» dırektory Maqsatbek Maqsotuly, sharıǵat jáne pátýa bóliminiń mamany Elbek Tasbolatuy men «Halal Damý» qyzmetkerleri qatysty.

«Bizdiń maqsatamyz – kúlli musylmandar qaýymy men halal ónimdi tutynýshylardyń aldyndaǵy paryzymyzdy adal atqarý, elge paıdaly bolý. «Halal», «haram» uǵymy sharıǵı másele bolǵandyqtan, bul salamen dinı basqarma aınalysýy kerek. Siz ben bizdiń maqsatymyz ortaq, jumysymyz bir bolǵandyqtan, musylmandardyń qara shańyraǵy dinı basqarma aınalasynda toptasqandaryńyz durys bolady. Sondyqtan, bir jeńnen qol, bir jaǵadan bas shyǵaryp, halaldyń damýyna birge at salysaıyq», – degen Aıbek Asqarbekuly «Halal Damýdyń» osy ýaqytqa deıin atqarǵan jumystary men jetistikterin jetkizip, halal standarttaý jáne sertıfıkattaýdyń júıeli júrgizilip, jiti tekseriletin, júgi sol jumys ekendigin jetkizdi. Sonymen qatar, áleýmettik jelide halal jáne haram jóninde túrli aqparat taratýdyń jaýapkershiligin túsindirdi.

Jıynǵa qatysqan Elbek Tasbolatuly BAQ ókilderine qasıetti Quran Kárimdegi: «Óz tilderińniń jalǵany men qatelikterin Alla Taǵalaǵa tańyp, «mynaý halal, mynaý haram» dep aıtpańdar. Allaǵa ótirik jala japqan bolasyńdar. Shyndyǵynda, Allanyń atynan ótirik aıtatyndar qutylmaıdy» («Nahyl» súresi, 16/116), – degen aıatqa sáıkes pátýa berýdiń talap-tártibi men erejelerin túsindirip, úkim shyǵarýdyń Alla aldynda da, adamdar aldynda da jaýapkershiligi ári suraýy aýyr ekendigin jetkizdi.

Jıyn sońynda, dinı basqarma qyzmetkerleri BAQ ókilderin aqparattyq nasıhat salasynda birlese qyzmet atqarýǵa jáne de naqty ári senimdi aqparatpen ǵana bólisýge shaqyrdy.

Источник: Aidos