«HALAL DAMÝ»: Malaızııa memleketimen ekijaqty kelisimge qol qoıyldy
QMDB «Halal Damý» mekemesi men Malaızııa Memleketi arasynda saýdaǵa, onyń ishinde standarttaý, oqytý jáne aqparatty basqarý salalaryndaǵy halal ónimderge qatysty birqatar kelissózder júrgizildi.
Bas múftı Naýryzbaı qajy Taǵanulynyń tapsyrmasyna sáıkes atalmysh kezdesýge QMDB Tóraǵa orynbasary, naıb múftı Ershat Aǵybaıuly men «Halal Damý» mekemesiniń basshysy Aıbek Atashev, sondaı-aq Malazııa memleketinen Premer-mınıstriniń din isteri jónindegi orynbasary, Datýk Ahmad Marzýk Bın Shaarı, Dato doktor, Sırajýddın Bın Sýhaımı, Qazaqstan Respýblıkasynyń Malazııa elshiliginiń elshisi Dato, Saıd Bakır jáne t.b. qonaqtar qatysty.
Ekijaqty kezdesýde kún tártibindegi myna máseleler qarastyryldy.
- Qazaqstan Respýblıkasy men Malaızııa Memleketi arasyndaǵy Halal ónimderine ekijaqty saýdaǵa, onyń ishinde standarttaý, oqytý jáne aqparatty basqarý salalaryndaǵy Halal ónimderge qatysty kómek kórsetý.
- QMDB-ǵa qarasty «Halal Damý» mekemesiniń JAKIM-de akkredıtteý organynan 2018 jyly qazan aıynda alǵan ózara taný týraly qujatyn jańartý máselesi.
- Qazaqstan musylmandary dinı basqarmasy «Halal Damý» JShS jáne Djabatan Kemadjýan Islam Malaızııa Malaızııanyń Islamdyq damý departamenti ЈAKIM arasynda ózara túsinistik týraly memorandýmǵa qol qoıýǵa kelisý.
Nátıjesinde «Halal Damý» jáne «Djabatan Kemadjýan Islam Malaızııa» Islamdyq damý departamenti arasynda ózara túsinistik týraly memorandýmǵa qol qoıyldy.
