«Halal damý» mamandary Semeı kásipkerlerine onlaın semınar ótkizdi (FOTO)
«Halal Damý» mekemesi jáne QMDB-nyń Semeı aımaǵy ókildiginiń uı̆ymdastyrýymen «Halal ónimderin standarttaý jáne sertıfıkattaý» taqyrybynda onlaın semınar ótti.
Semınarǵa Semeı aımaǵynyń bas ımamy Asqar Muqanov, jergilikti baqylaýshy-ınspektor Serikqalı Beısenuly, «Halal Damý» dırektory Aı̆bek Asqarbekuly, tehnolog mamandar, jergilikti irili-usaqty 114 kásiporyn basshylary men qyzmetkerleri qatysty. Onlaın formatta ótken semınardyń maqsaty – kásipkerlerge halaldyń mańyzdylyǵyn nasıhattaý, halal standartqa saı̆ ónim óndirip, qyzmet kórsetetin kásiporyndar sanyn arttyrý qajettigin túsindirý.
Semınar barysynda halal ónimniń paıdasy, «QMDB halal» sertıfıkatyn alý talaptary, halal standartqa ótýdiń joldary, halal ónimderdi jarnamalaý máseleleri kóterilip, naqty nusqaýlyqtar berildi. Sonymen qatar, tehnolog mamandar halal ónim óndirý tehnologııasynyń basty erekshelikteri, E taǵamdyq qospalar, halal ónimniń paıdasy men artyqshylyqtary jóninde dáris ótkizdi.
Semınar sońynda, qatysýshylar tarapynan qoıylǵan suraqtarǵa jaýap berilip, Aıbek Asqarbekuly men Asqar Muqanov kásipkerlerdi halal, tabıǵı, Ekologııalyq taza ónim ındýstrııasyn damytýǵa at salysýǵa shaqyrdy.
