«HALAL DAMÝ» MAMANDARYNA ARNALǴAN SEMINAR BASTALDY (FOTO)
QMDB «Halal Damý» mamandary Bas múftı Naýryzbaı qajy Taǵanulynyń bastamasymen ashylǵan «QMDB Halal» oqytý ortalyǵynda «Taǵam ónimderi qaýipsizdigi menedjmentiniń júıesi» atty úsh kúndik oqý-semınaryna qatysýda.
«Halal Damý» dırektory Aıbek Asqarbekuylynyń tóraǵalymen ótip jatqan semınarda «Qazaq standarttaý jáne metrologııa ınstıtýtynyń» tehnıkalyq retteý jáne menedjment júıesi men sáıkestikti baǵalaý salasynyń mamany Aıtmuhan Aıtqojauly dáris oqýda.
«Qyzmetkerlerdiń biliktiligin arttyrý, mamandardyń bilimin jetildirý – kásiporyn qyzmetin jandandyrýda asa qajet. Osy oraıda, eki jaqty kelissóz negizinde «Qazstandart» uıymynyń tálimgerligimen birlesken oqý-semınar sharalaryn uıymdastyrý qolǵa alyndy. Mamandar «QR tehnıkalyq retteý zańnamasy negizderi», «ST QR ISO 22000-2009 negizinde taǵam ónimderin óndirýshilerge qoıylatyn talaptar», «HASPP negizindegi taǵam ónimderi men qaýipsizdik júıesi», «Taǵam ónimderine qoıylatyn tehnıkalyq reglament talaptary» boıynsha dáris tyńdaıdy. Semınar sońynda mamandarǵa arnaıy sertıfıkat tabystalatyn bolady», – degen Aıbek Asqarbekuly mamandardyń bilimi men biliktigin arttyrý maqsatynda túrli oqý-semınarlaryn ótkizý, otandyq jáne shet eldik kásiporyndarda tájirıbelik sharalardy uıymdastyrý «Halal Damýdyń» dástúrine aınalǵandyǵyn jetkizdi.
Источник: Aidos
