«Halal damý» qyzmetkerleri Óskemende keńes ótkizdi
Qazaqstan musylmandary dinı basqarmasy halyqtyń densaýlyǵyn saqtaý, halyqty halal ónimdermen qamtamasyz etý baǵytynda ár óńirde halal ónimderdi nasıhattaý, halaldyń mańyzdylyǵyn túsindirý sharýalaryn nátıjeli júrgizýdi tapsyrǵan bolatyn.
Osyǵan baılanysty QMDB «Halal damý» dırektory Aıbek Atashev Óskemen óńirine arnaıy issaparmen baryp, halal sertıfıkatyna ıe bolǵan kásiporyn basshylarymen jáne aýdan, qala meshitterindegi halalǵa jaýapty mamandarmen birlesken keńes ótkizdi.
Jıynda óńir boıynsha «Halal damý» ókili Dosjan Úmbet sóz alyp, júıeli túsindirý jumystarynyń nátıjesinde Óskemen aımaǵynda «halal» mártebesine ıe bolǵan kásiporyndar sany ósip kele jatqanyn jetkizdi.
Basqosýda QMDB «Halal damý» dırektory Aıbek Atashev: «Halyq qazirgi tańda halal sertıfıkaty bar kásiporyndar shyǵarǵan azyq-túlik ónimderin kóp tańdaıdy. Ásirese indet kezinde halyqtyń halal ónimderge suranysy arta túsýde. Sondyqtan halal standartqa ótip jatqan kásiporyndar sany aı sanap kóbeıip keledi. Taza, densaýlyqqa paıdaly azyq-túlik tutyný nasıhattalyp jatyr. Biz bul baǵyttaǵy úgit sharalaryn kásiporyndar arasyna únemi nasıhattaýymyz kerek. Halaldyń mańyzy týraly halyqty aqparattandyrý kún tártibindegi másele», – dep erekshe atap ótti.
A.Atashev sonymen qatar kásiporyn basshylarynyń qoıǵan saýaldaryna jaýap berdi. «Halal damý» dırektory kásip ıelerine bereket tilep, atyna zaty saı bolyp, halyqqa adal qyzmet etýdi úndedi.
