HALAL DAMÝ: ShQO JÁNE ABAI OBLYSYNDA AÝDIT JÚRGIZILDI

Bas múftı Naýryzbaı qajy Taǵanulynyń tapsyrmasymen «Halal Damý» dırektory Aıbek Asqarbekuly bastaǵan mamandar Shyǵys Qazaqstan jáne Abaı oblysyndaǵy kásiporyndarda aılyq aýdıt jumystaryn júrgizdi.

Baqylaý-qadaǵalaý sharalaryna oblystyq ımamdar men ókildik baqylaýshylar qatysty.

«Shyǵys óńirge issapar barysynda «Óskemen qus fabrıkasy», «Vostok moloko» sút zaýyty, «Aıtas MP» jáne «Arai East Food» shujyq tsehy, «Adal as» kondıterlik kásiporny jáne jergilikti tamaqtaný oryndary men et dúkenderi tekserildi. Aýdıt barysynda óndiriste bekitilgen halal standarty talaptarynyń oryndalýy, kásiporyndardyń sanıtarlyq tazalyǵy, qoldanystaǵy tehnıkalyq qural-jabdyqtardyń sapasy, daıyn ónimderdiń óńdelýi, saqtalýy, tasymaldanýy qadaǵalandy. Jáne de, atalǵan kásiporyndarda «Halal standarty talaptary men tehnologııasy» taqyrybynda oqý-semınar ótkizilip, qyzmetkerlerge sharıǵat talaptary túsindirildi», – degen mamanymyz óńirde júrgizilgen tekseris qorytyndysy oń nátıje kórsetkendigin habarlady.

​