Halal Damý: Shymkenttegi kásiporyndar tekserildi
QMDB «Halal Damý» dırektory Aıbek Asqarbekulynyń Shymkent oblysyna is-sapary barysynda óńirdegi birqatar halal kásiporyndar óndirisi men qyzmeti tekserildi. Qyrkúıek aıynyń kezekti aılyq aýdıt jumystaryna tehnolog Arýjan Aralbaı men jergilikti ınspektor-kontroler Qazbek Sarybaev ta qatysty.
Tekseris barysynda óńirdegi «Nárlen» shujyq tsehy men jumyrtqa óndirisi, «Ordabasy qus», «Shymkent qus» fabrıkalary, Saryaǵashtaǵy «Makı-Makı» fast-fýd jelisi, «Nurtau Dıstrıbutıon» kásiporny, jergilikti «Magnum» saýda jelisindegi shujyq jáne et satatyn oryndar jumysy qadaǵalandy.
«Aýdıt aıasynda halal kásiporyndar óndirisiniń barlyq protsessi súzgiden ótkizildi. Bunyń barlyǵy halal ónimdi tutynýshylardyń adaldyq tańbasyna senimdiligi úshin júrgizilýde. Halal kásiporyndar men satylym oryndary, sondaı-aq satýshylar men satý isin uıymdastyrýshylar da halal talaptaryn saqtaýy tıis. Sondyqtan kásiporyndardaǵy shıkizat pen taǵamdyq qospalardyń halaldyǵy, óndiristiń bekitilgen standartqa sáıkestigi, sanıtarlyq-tazalyq máselesi de nazardan tys qalmady. Aptalyq aýdıt jumysy joǵary deńgeıde ótti. Sebebi, kásiporyndardaǵy halal standarttyń talap-tártipterin saqtaýy kóńil qýantarlyq. Sonymen qatar, meshit qyzmetkerleri men medrese shákirtterine arnalyp oqý-semınary uıymdastyryldy» – dep habarlaıdy Aıbek Asqarbekuly.
