«Halal» standarttaý uıymdarynyń onlaın jıyny ótti (FOTO)
Onlaın formatta «Halal» standarttaý jáne sertıfıkattaý uıymdarynyń halyqaralyq konferentsııasy ótti. Oǵan Qazaqstan, Reseı, Belarýs, Qyrǵyzstan jáne Ózbekstan elderiniń salaǵa qatysty uıym basshylary men qyzmetkerleri qatysty.
Jıyn barysynda Halal sertıfıkattaýshy uıymdardyń Eýrazııalyq odaǵyn qurý, onyń aıasyndaǵy ortaq jumystar týraly pikir aıtyldy. Reseı Múftıler Keńesine qarasty halal standarttaý jáne sertıfıkattaý ortalyǵynyń basshysy Aıdar Gazızov Qazaqstan musylmandary dinı basqarmasynyń «Halal Damý» ortalyǵy mańyzdy áriptes jáne halal taýar aınalymyndaǵy eń úlken seriktes ekenin atap ótti.
Halyqaralyq jıynda sóz alǵan «Halal Damý» dırektory Aıbek Asqarbekuly: «Biz bir-birimizben saýda-sattyq, ımport, Eksport máselesinde tyǵyz qarym-qatynastamyz. Sol úshin ár eldiń Dinı basqarmalary janyndaǵy halal standarttaý bólimi tarapynan sertıfıkattalǵan ónimdi taný ári halal aıasyn keńeıtý, tabys kózine aınaldyrǵan jekemenshik sertıfıkattaý ortalyqtarynyń zańsyz áreketterine tosqaýyl qoıý qajet, ol úshin biz tyǵyz qarym-qatynasta bolýymyz kerek. Sonymen qatar halal ındýstrııasynda jalǵan aqparat taratýshylar men úı janýarlaryn soıý standartyndaǵy mehanıkalyq soıý máselesine qatańdyq kerek» dedi.
Jıynda ár sertıfıkattaýshy uıym basshylary kózqarastaryn bildirip, kóptegen usynystar ortaǵa salynyp, talqylanyp, kelesi májiliste kóterilgen usynystar jaıynda ortaq sheshimge kelýge ýaǵdalastyq jasaldy.
