Halyqaralyq konferentsııada Tarazdan shyqqan din qaıratkerleri ulyqtaldy (FOTO)
QMDB-nyń uıymdastyrýymen Taraz qalasynda ótken «Tarazdan shyqqan dinı tulǵalar. Professor Nasrýlla Tarazıdiń týǵanyna 100 jyl» halyqaralyq ǵylymı-tanymdyq konferentsııasynda Túrkııa, Ózbekstan, Qyrǵyzstan jáne Qazaqstannyń tarıhshy ǵalymdary onlaın jáne oflaın formatta qatysyp, arnaýly baıandama jasady.
Atap aıtar bolsaq, konferentsııada Nur-Múbarak ýnıversıtetiniń rektory, professor Muhammed Shahhad ál-Jındı «Islamı bilim júıesin reformalaý», osy ýnıversıtettiń Ábý Hanıfa ǵylymı-zertteý ortalyǵynyń dırektory, professor Shamshádın Kerim «Múbashshır Ábýnasyr at-Tarazı – dinı, saıası qaıratker», Ózbekstan halyqaralyq Islam akademııasynyń «Ózbek tili jáne klassıkalyq Shyǵys ádebıeti» kafedrasynyń professory Aftandıl Erkınov «Seıit Mahmud Tarazı shyǵarmalaryndaǵy poEtıkalyq obrazdar», Ózbekstannyń Ábý Raıhan Bırýnı atyndaǵy Shyǵystaný ınstıtýtynyń ǵylymı qyzmetkeri Fılıpp Hýsnýtdınov «Seıit Mahmut Tarazıdiń Qurandy aýdarý jáne túsindirý tarıhy», Qyrǵystandaǵy Osh memlekettik ýnıversıteti dintaný fakýlteti dekanynyń orynbasary Atabek Galmamatov «Hıbatýllah at-Tarazı jáne onyń eńbekteri», Túrkııadaǵy Islam tarıhy, óneri men mádenıetin zertteý ortalyǵy (IRSIKA) dırektorynyń keńesshisi, professor Áshirbek Múmınov «Nasrýlla at-Tarazıdiń IRSIKA-daǵy ǵylymı qyzmeti», ál-Farabı atyndaǵy QazUÝ-dyń Shyǵystaný fakýltetiniń dekany, PhD doktor Yqtııar Paltóre áNasrýlla at-Tarazıdiń ómiri men shyǵarmashylyǵy» taqyryptarynda mazmundy baıandama jasady.
Sondaı-aq basqa da ǵalymdar sóz sóılep, Tarazdan shyqqan din tulǵalaryn kópshilikke tanytyp, eńbekterin jaıly oı qozǵady.
