HALYQARALYQ QURAN JARYSYNDA QAZAQSTAN NAMYSYN KIM QORǴAIDY?

Qazaqstan musylmandary dinı basqarmasynyń uıymdastyrýymen Ulttyq mereke – Respýblıka kúnine oraı tuńǵysh ret ótetin I halyqaralyq Quran jarysynda el namysyn kim qorǵaıdy? Osy jóninde az-kem málimet berip ótpekpiz.

Jarysty uıymdastyrý alqasy birneshe aı buryn álemdik deńgeıde ótetin aýqymdy sharaǵa qazaq eliniń atynan shyǵatyn qarılardy iriktedi. Halyqaralyq erejege sáıkes, bul jarysqa qabyldaýshy memleket atynan eki qarı, al qalǵan elderden bir qarıdan qatysatyny belgili. Sondaı-aq taǵy bir talap – qarıdyń jasy 18 ben 30 jas aralyǵynda bolýy shart. Osylaısha uıymdastyrý alqasy 2013-2022 jyldar aralyǵynda elimizde ótken respýblıkalyq Quran Kárim baıqaýlarynyń jeńimpazdaryn saralap kórdi. Olardyń qatarynda Astanada ótken IH respýblıkalyq baıqaýdyń jeńimpazy Abdýlǵaffar Tursynovtyń jasy otyzdan asyp ketkendikten, qalǵan alty qarı arasynda irikteý júrgizildi.

Sóıtip, uıymdastyrý alqasynyń sheshimimen 2021 jyly Túrkistanda Quran Kárimdi jatqa jáne mánerlep oqýdan H respýblıkalyq baıqaýdyń «30 para» nomınatsııasy boıynsha bas júlde ıegeri Álibek Jalıev (Shymkent qalasy) pen 2022 jyly Qyzylordada ótken HI respýblıkalyq baıqaýdyń jeńimpazy Imanáli Myrzageldi (Jambyl oblysy) qatysatyn boldy. Qos qarı da 2003 jyly dúnıege kelgen.   

Tuńǵysh ret elorda tórinde ótetin halyqaralyq Quran jarysynda Álibek pen Imanáli qarılarymyzǵa Alla jar bolsyn dep tileımiz!

​Derekkóz: QMDB Baspasóz qyzmeti