«KIELI KIMEShEK» ATTY SEMINAR-TRENING ÓTTI (FOTO)

Búgin QMDB Áıel-qyzdar sektory Astana qalasy ókildigine qarasty «Áziret Sultan» meshitindegi «Inabat» qyz-kelinshekter klýbynyń uıymdastyrýymen «Din men dástúr» baǵyty boıynsha «Kıeli kımeshek» atty semınar-trenıng ótti. Jıyndy «Áziret Sultan» meshitiniń ustazy Elmıra Buqarbaeva oramal týraly Quran sózin aıtyp bastap berdi.

Semınarǵa tigin salasy boıynsha jeke kásipker, «Qazaq analary – dástúrge jol» qoǵamdyq birlestiginiń múshesi Janar Jaqsyǵulova shaqyryldy. Ol jınalǵan jamaǵatqa kımeshektiń túrleri men jas ereksheligine qaraı oramaldy taǵý úlgilerin kórsetti. Kıeli oramaldyń tarıhymen tanystyryp, qazaq analarynyń din sheńberinen aspaǵanyn atap ótti. Sondaı-aq, qazaq dástúrin dáripteýshi, atalǵan birlestiktiń belsendisi Kúlmash Tólembaı da sóz sóılep, ulttyq kıimderdiń qundylyǵy jóninde sóz sóıledi.

Jınalǵan jamaǵat kókeıdegi saýaldaryn qoıyp, qyzyǵýshylyqtaryn bildirdi.       

Источник: Aidos