KÓRISÝ KÚNINE ORAI MEShIT ShÁKIRTTERI MEREKELIK ShARA ÓTKIZDI (FOTO)

«Áziret Sultan» meshitinde 14 naýryz – kórisý kúnine oraı Áıel-qyzdar sektorynyń uıymdastyrýymen «Din men dástúr» baǵyty aıasynda merekelik shara ótti.

Meshittiń áıel jamaǵaty, onyń ishinde ájeler býyny naýryz kóje daıyndap, dastarhan jaıdy. Úlken býyn kishi býyndy qonaq etip, aldaǵy ómirlerine amandyq tiledi. Umytylyp bara jatqan ıgi dástúrdi jańǵyrtyp, jas býynǵa úlgi bolsyn degen nıetpen jaıylǵan dastarhannan meshitimizdiń ımamdary da dám tatyp, lebizderin bildirdi. Qarı Jumanazar Sadyrhanov Quran aıattaryn oqyp, eldiń amandyǵy men jurttyń tynyshtyǵyn tilep, musylman qaýymynyń Ramazan aıyna aman-esen jetýi úshin duǵa jasady. Keıinnen din men dástúrge qatysty vıktorınalyq suraqtar qoıylyp, apa-ájelerge gúl men salaýat kitapshasy tartý etilip, qurmet kórsetildi.

Taǵylymdy sharanyń ótýine uıytqy bolǵan meshit ustazy Zarına Shamıdýllaqyzy búgingi kúnniń izgilikke úndeıtinin aıtyp, aldaǵy kúnderge jaqsylyq tiledi.

Sýretter toptamasyn «FOTOGALEREIa» aıdarynan kóre alasyzdar!