LITVALYQ ISLAM ǴALYMY – DINI BASQARMADA (FOTO)

Lıtva Respýblıkasynyń Uly Vıtaýtas ýnıversıtetiniń ıslamtaný professory, dintanýshy Egdýnas Rachıýs qyzmettik issaparymen elordaǵa keldi.

Issapar barysynda lıtvalyq ıslam ǵalymy Qazaqstan musylmandary dinı basqarmasyna arnaıy at basyn buryp, naıb múftı Ershat Aǵybaıulymen kezdesti. Qadirmendi qonaq Dinı basqarma tynysymen tanysyp, atqarylyp jatqan jumystarǵa oń baǵasyn berdi.

Sondaı-aq kezdesý barysynda naıb múftı Ershat Aǵybaıuly Egdýnas Rachıýske múftııattyń dinı bilim jáne kadr salasyna qatysty jumystaryn aıta kelip, qurmetti qonaqqa iltıpat kórsetti. Óz kezeginde lıtvalyq ǵalym Dinı basqarmamen bilim, ǵylym salasynda áriptestik baılanys, ózara tájirıbe almasý jóninde oıyn jetkizdi.

Aıta keteıik, dintanýshy Egdýnas Rachıýs issapar barysynda L.N. Gýmılev atyndaǵy Eýrazııa ulttyq ýnıversıteti magıstranttary men doktoranttaryna dáris oqyp, qoǵam qaıratkerleri men zııaly qaýym ókilderimen júzdesti.

Источник: Aidos