MAŃǴYSTAÝDA «RAMAZAN SYIY» MARAFONY JALǴASYN TAPTY

Mańǵystaý oblystyq «Beket ata»meshitinde QMDB «Zeket jáne qaıyrymdylyq» qorynyń «Ramazan syıy» marafony jalǵasyn tapty.

Igi sharaǵa Qazaqstan musylmandary dinı basqarmasynyń tóraǵasy Bas múftı Naýryzbaı qajy Taǵanuly arnaıy qatysty.

Bas múftı óz sózinde adal eńbektiń qadir-qasıetine toqtalyp, qoǵamnyń tazalyǵy men turaqtylyǵyna úles qosyp júrgen qarapaıym eńbek ıelerine alǵysyn bildirdi. Sondaı-aq, mundaı saýapty sharalardyń maqsaty – muqtaj jandarǵa qoldaý kórsetý ǵana emes, qoǵamda janashyrlyq pen meıirimdilikti arttyrý ekenin atap ótti.

«Ramazan – bir-birimizge janashyr bolyp, kómek qolyn sozatyn aı. Adal eńbek etip júrgen árbir jan qurmetke laıyq. Berekeli qoǵam ózara qoldaýdan bastalady», – dedi Bas múftı.

Shara barysynda 200 otbasyǵa azyq-túlik qorjyndary taratylyp, qasıetti aıda jumysshy tazalyqshy mamandarǵa, muqtaj jandarǵa áleýmettik kómek kórsetildi.


/

​