Mańǵystaýda jańa meshit ashyldy (FOTO)

Qazaqstan musylmandary dinı basqarmasy, Mańǵystaý oblysynda taǵy bir Alla úıi boı kóterip, el ıgiligine berildi.

Munaıly aýdany, Qazyltóbe-2 aýylynan «Mustafa» meshiti juma kúni ashyldy. Meshittiń qurylysy 2018 jyly bastalǵan bolatyn. Jomart jandardyń qoldaýymen salynǵan sáni men sáýleti jarasqan meshitte bir ýaqytta 700 adam namaz oqı alady. Ashylý saltanatyna ókil ımam Smaıyl Seıtbekov arnaıy baryp jańa meshittiń ashylýymen aýyl turǵyndaryn quttyqtady. Sondaı-aq QMDB tóraǵasy Bas múftı Serikbaı qajy Orazdyń buıryǵymen bas ımam qyzmetine taǵaıyndalǵan Esmýrzaev Serikti tanystyrdy. Meshittiń ashylýy rásimine arnaıy kelgen aýdan ákimi Eltızarov Rahat quttyqtaý sózin sóılep, meshitti salǵan azamattarǵa alǵysyn bildirdi.

Juma kúni jańa meshitte jamaǵat namaz oqylyp, el tynyshtyǵy úshin duǵa jasaldy.