Máskeýde «Qazaq mádenıeti» kúni ótti (FOTO)

3 maýsym kúni Máskeý qalasynyń dinı basqarmasynyń uıymdastyrýymen Máskeý Memorıaldyq meshiti «Ramazan shatyrynda» «Qazaq mádenıeti» kúni atalyp ótti.

Qazaq stýdentteri jáne basqa da ult ókilderi qatysqan ıgi sharaǵa QMDB tarapynan «Nasıhat jáne qoǵammen baılanys» bóliminiń meńgerýshisi Altynbek Utyshanuly men bólim mamany Hamzat Qajymuratuly qatysty.

Qazaqı naqyshta dombyra úni men qazaq ánderi sabaqtasa ótken mádenı-rýhanı sharada QMDB ókilderi Bas múftı Serikbaı qajy Satybaldyuly hazrettiń oraza aıtyna oraı qutyqtaý lebizin jetkizip, oraza aıynyń qundylyqtary, baýyrmashyldyq jaıynda ýaǵyz aıtty.

Jumys saparynyń ekinshi kúni qazaqtyń kórnekti qoǵam qaıratkeri, Alash orda qozǵalysynyń jetekshisi Álıhan Bókeıhannyń jerlengen zıratyna baryp, qazaqtyń birtýar ulyna Quran oqylyp, duǵa baǵyshtaldy.