MÁÝLIT KEShINIŃ BILETINEN TÚSKEN QARJY QAIYRYMDYLYQQA JUMSALDY (FOTO)

Astana qalasyndaǵy «Qazaqstan» ortalyq kontsert zalynda ótken «Úmmetin súıgen Muhammed» atty Máýlit keshinde birneshe janǵa arnaıy «Máýlit syıy» tabystaldy. Aldyn ala habarlanǵandaı, «Máýlit syıy» qaıyrymdylyq sharasy kesh bıletterinen túsken qarajatqa jasaldy.

QMDB tóraǵasy, Bas múftı Naýryzbaı qajy Taǵanuly sahna tórinde toǵyz adamǵa «Máýlit syıyn» tabystap, bul sharanyń mańyzy jóninde aıtyp ótti.

Máýlit syıynyń alǵashqy ıegeri Sansyzbaı Tókenulyna «júregi meshitke baılanǵan jan» retinde kishi qajylyq joldamasy berilse, meshitke sińirgen eresen eńbegi úshin «Ǵylmanı» meshitiniń sharýashylyq meńgerýishisi Nagrad Álenhanulyna shıpajaıǵa joldama berildi. Al, tórt balanyń anasy Naýryzgúl Asylbekqyzynyń ismerligine sáıkes, kóp fýnktsııaly tiginshi mashınasy, jol apatyna túsip, qolarbaǵa tańylǵan Sáýlethan Baqytbekulyna zergerlik qurylǵylar tartý etildi.

Bal kezinde apatqa ushyrap, beti-júzi túgeldeı kúıip qalǵan Shynbolat Sábıtuly men búginde júregin aýystyrý otasyna kezekte turǵan, ózi jasandy júrek apparatymen júrgen Aıdos Islamǵalıulyna 500 000 teńgeden kómek berildi.

Máýlit keshindegi taǵy bir qýanyshty oqıǵa – Qazaqstan musylmandary dinı basqarmasynyń «El úlesi páterge» jobasy aıasynda Astana turǵyny, jeti balasyn jalǵyz ózi tárbıelep kele jatqan Qabyldın Tólepbergenge baspana kilti tabystaldy.

Al, sonaý 1982 jyly kózinen aıyrylyp, keıinnen Braıl júıesimen (qaǵazdaǵy tesikter arqyly) Quran oqýdy úırenip, keıinnen ustazdyqqa kirisip, 130 shákirt tárbıelegen Baqytjamal Káribaıqyzyna Bas múftı «QMDB 30 jyl» merekelik medalin taǵyp, shıpajaıǵa joldama tabys etti.

Sondaı-aq, Astana irgesindegi Kenesary aýylynyń turǵyny Murat Qabylbaev ta dál osy merekelik medalmen marapattalyp, shıpajaıǵa joldama berildi. Aıta keteıik, osy aýylda birshama jyldar ımamdyq qyzmet atqarǵan Murat Qabylbaev 17 balany asyrap, ákelik meıirimine bólegen jan.

Источник: Aidos